ამერიკული დაზვერვის როლი, სექტების გაძლიერებაში

0
317

90-იანი წლებიდან დაწყებული საქართველოში და მთლიანად მსოფლიოში შესამჩნევია სხვადასხვა სახის სექტების მკვეთრი გაძლიერება, როგორც ფინანსური თვალსაზრისით, ასევე საინფორმაციო და პოლიტიკური ლობიზმის კუთხით. საქართველოში აქტიურად მოქმედებს “იეღოვას მოწმეების” საკმაოდ ავტორიტარული სექტა, თუმცა არსებობენ სხვა არანაკლებ აგრესიული და ძლიერი რელიგიური სექტები, რომელთაც ასევე ძლიერი მფარველები ჰყავთ. წინამდებარე სტატიაში შევეცდებით მოვუძებნოთ ახსნა ამ ფენომენს.

ერთერთი ასეთი ცნობილი სექტის, საიენტოლოგების კავშირი ცენტრალურ სადაზვერვო სააგენტოსთან (CIA) დიდი ხანია განხილვის თემაა. ამის შესახებ  წერენ და საუბრობენ ძალიან ბევრ სტატიაში, ინტერვიუსა თუ ტელეშოუში. იმ მომენტისთვის, როდესაც აშშ-ს მთავრობამ ღიად დაიწყო საიენტოლოგთა ინტერესების ლობირება (ეს 1993 წელს მოხდა), მან უკვე ძალიან კარგად იცოდა სექტის საქმიანობის შესახებ, კერძოდ ლეგალური და არალეგალური გზებით სხვადასხვა ადამიანებსა თუ ორგანიზაციებზე ინფორმაციის მოპოვება და შეგროვება.

დღესდღეობით გამოქვეყნებული დოკუმენტებიდან ჩვენ ვიცით, რომ CIA-მ 1957 წელს დაიწყო რონ ჰაბარდის საქმიანობისა და მთლიანად საიენტოლოგიის შესწავლა. თუმცა, გამოძიების მონაცემები ამ დრომდე არ გამოქვეყნებულა. მათ ხილვას, სავარაუდოდ ვერც უახლოეს მომავალში მოვახერხებთ.

რონ ჰაბარდი

ჰაბარდი მთელი თავისი ცხოვრების განმავლობაში გატაცებული იყო ორი რამით: ოკულტიზმით და ჯაშუშობით. მაგალითად, ჯერ კიდევ ახალგაზრდა რონი როზენკრეიცერების ორდენს შეუერთდა და ოკულტურულ სხდომებს ატარებდა, ასევე ჰქონდა გამოცდილება ზოგიერთი სახის “ზებუნებრივი” შეხვედრისა.

საიენტოლოგიური სექტის მომავალი ლიდერი, მეოცე საუკუნის ცნობილ სატანისტს ალისტერ კროულის ამაყად უწოდებდა “ძალიან ძვირფას მეგობარს”.  შეიძლება სხვა ბევრი ფაქტის მოყვანაც, თუმცა ეს ძალიან შორს წაგვიყვანს.

ალისტერ კროული

საიენტოლოგიური ოფიციალური ბიოგრაფია, სექტის დამაარსებლის ჰაბარდის კავშირს ოკულტიზმთან კატეგორიულად უარყოფს, თუმცა მსოფლიო მასშტაბით აზვიადებს მის განსაკუთრებულ ურთიერთობას სპეცსამსახურებთან.

საიენტოლოგები სიამაყით განაცხადებენ, რომ ომის დროს ჰაბარდი დაუკავშირდა აშშ-ს საზღვაო დაზვერვას, სადაც გმირულად გამოიჩინა თავი, როცა “გამოავლინა უცხოელი ჯაშუშები და მტრებისგან გარშემორტყმულ ამერიკელ მეზღვაურებს დაეხმარა კუნძულ ბატაანზე.”

სინამდვილეში, ცნობილია, რომ ჰაბარდი საზღვაო დაზვერვაში მუშაობისას, იყო ჩვეულებრივი კლერკი წერილების განყოფილებაში, სადაც ცენზურას ადებდა ჯარისკაცების მიმოწერას. რა თქმა უნდა, ეს გმირობა არ არის, მას საბრძოლო მოქმედებებში არასდროს მიუღია მონაწილეობა.

საიენტოლოგებმა ასევე გამოიგონეს ლეგენდა, რომელიც ამართლებს ჰაბარდის ყოფნას პასადენურ ლოჟაში, სატანურ «Ordo Templi Orientis»-ში (აღმოსავლეთის ტაძრის ორდენი) და მის გატაცებას მაგიურ-სექსუალური რიტუალებისადმი, რომელსაც ის ლოჟის ხემლმძღვანელთან ჯეკ პარსონსთან ერთად ატარებდა.

სექტის ლეგენდის თანახმად, ჰაბარდი გამოგზავნილი იყო სატანისტურ ლოჟაში, როგორც ჯაშუში “თხუნელა”, რათა შიგნიდან გაენადგურებინა ის. თუმცა ეს ვერსია ფაქტებით არ არის გამყარებული.

ჰაბარდის გატაცებამ ოკულტიზმით თავისი კვალი მაინც დატოვა მის და მისი მიმდევრების მიერ საიენტოლოგიის სიმბოლოების განვითარებაში.

მაგალითად, ჰაბარდის ცხოვრების პერიოდში გამოქვეყნდა საიენტოლოგიური ბროშურა, რომელსაც “ოქროს განთიადი” ერქვა. (ასე უწოდებდნენ ოკულტისტურ ლოჟას, საიდანაც გამოჩნდა ალისტერ კროული).

საიენტოლოგიური ბროშურა “ოქროს განთიადი”

ქვემოთ ნაჩვენებია ჰაბარდის ნამუშევრების თანამედროვე აუდიო-ვიდეო გამოცემა, რომელსაც ასევე “ოქროს განთიადი” ეწოდება.

ხოლო ასე გამოიყურება საიენტოლოგიის ახლანდელი ხემლძღვანელის, დევიდ მისკევიჯის გამოსვლა. სცენის ინტერიერზე განზრახ განლაგებული ოკულტური სიმბოლოები ფაქტობრივად არ საჭიროებენ განმარტებებს. ტაძრის სვეტები, თემა “ოქროს განთიადი და მთვარე” “მღვდელმთავრის” თავზე.

საიენტოლოგიური სცენა

ესეც ყველასთვის ცნობილი საიენტოლოგიური ჯვარი, რომელიც კროულის ტაროს ბარათიდან არის გადმოტანილი.

ყურადღება მიაქციეთ კიდევ ერთ დეტალს: რვა ქიმიანი ვარსკვლავი, რომელზეც დადებულია ჯვრის გამოსახულება. მას ჩვენ კიდევ დავუბრუნდებით.

აღსანიშნავია, რომ ამერიკის სადაზვერვო სამსახურსა და ჰაბარდს ჰქონდათ ერთი საერთო, ოკულიზმით გატაცება.

დასაწყისისთვის მოვიყვანოთ რამდენიმე ფაქტი:

1989 წელს ლონდონში, CIA-ს ყოფილი თანამშრომლის, მაიკლ კოპლენდის მოსაგონებლად გამოიცა საინტერესო წიგნი: “CIA-ს სპეციალური პოლიტიკური აგენტის აღიარება”, რომელშიც ის საუბრობს სქემაზე, მისი კოლეგის, ბობ მანდლსტანის მიერ 1950-იან წლებში იქნა მოყვანილი მოქმედებაში. სქემას ეწოდებოდა “ოკულტიზმი მწვერვალზე”.

სქემის იდეა ძალიან მარტივი იყო: იმდენად, რამდენადაც, ლიდერებსა და მთავრობის ხელმძღვანელებს შეეძლოთ მიეღოთ კონსულტაციები ასტროლოგებისგან და სხვა ოკულტური მრჩევლებისგან, ამერიკელი ოფიცრები ვალდებულნი იყვნენ “ემუშავთ” ამ ოკულტისტებთან ერთად და თავიანთი სააგენტოები მათი გავლენის ქვეშ მოექციათ.

ეს სქემა მუშაობდა, მაგალითად მაშინ, როცა აგენტების მიერ მიგზავნილმა “ნათელმხილველმა” განის პრეზიდენტი Kwame Nkrumah დაარწმუნა, რომ ჩასულიყო სახელმწიფო ვიზიტით ჩინეთში. კოპლენდის თქმით, ამერიკული დაზვერვა, მათ მიერ კონტროლირებად “წინასწარმეტყველთა” საშუალებით ზეგავლენას ახდენდა ინდონეზიის პრეზიდენტ სუკარნოზე.

მანდლსტამი ასევე იყენებდა სულიერ-პოლიტიკურ მოძრაობა “მორალურ გადაიარაღებას”, რომელმაც კოპლენდის სიტყვების მიხედვით, აგენტებს საშუალება მისცა საიდუმლო არხების მეშვეობით ზეგავლენა მოეხდინათ არა მხოლოდ აფრიკელ და აზიელ ლიდერებზე, არამედ ევროპელებზეც.

კოპლანდი ასევე იხსენებს განსაკუთრებულ შეთანხმებას, რომელიც მისი სიტყვების მიხედვით, CIA-მ საიენტოლოგებთან დადო, თუმცა რას შეიცავდა ის, ამის შესახებ არაფერია ცნობილი. როგორც ჩვენ გავიგეთ, ამ ხელშეკრულების არსებობის შესახებ ენაწყლიანი კოპლანდის გარდა, ფართო საზოგადოებრივ წრეებში არავინ არ საუბრობს.

კოპლანდი კიდევ ერთ საინტერესო შემთხვევაზე მოგვითხრობს: მათ საიენტოლოგების სექტაში შეაგზავნეს აგენტი, რომელიც თავად ჰაბარდის ხელმძღვანელობით გახდა “კლირი”,  ხოლო შემდეგ ის მოითხოვდა და იღებდა უფრო მეტ და მეტ “ფინანსურ კომპენსაციას, საოპერაციო ხარჯებისთვის”, რომელსაც მთელ თავის დანაზოგთან ერთად გადასცემდა დიანეტიკას.

ასე რომ, ნაკლებად სავარაუდოა გავიგოთ, თუ ვინ ვისი მანიპულატორი იყო, CIA საიენტოლოგიის, თუ პირიქით.

ასევე უკვალოდ არ ჩაუვლია ამერიკული დაზვერვის მუშაობას სხვადასხვა მასტის ოკუტლისტებთან. შეგვიძლია ვივარაუდოთ, რომ ერთმანეთზე გავლენა ორივე მხარემ მოახდინა, ზოგიერთი ოფიცერთაგან ოკულტური პრაქტიკითაც კი დაკავდა.

აუცილებელია განვმარტოთ, რომ ტერმინ “CIA”-ს ხშირად პირობითად ვიყენებთ. აშშ-ს სადაზვერვო საზოგადოება ოფიციალურად 15 ორგანიზაციისგან შედგება, რომელთაც ჰყავთ საკუთარი თავმჯდომარე, აქვთ წესები, სიმბოლიკა და ასე შემდეგ.

ესეც მისი ჰერბი:

ჩვენ ვხედავთ იგივე რვაქიმიან ვარსკვლავს, რომელიც საიენტოლოგიურ ჯვარზეა გამოსახული.

დავუბრუნდეთ საიენტოლოგიური ჯვრის სურათს. ის შეიძლება ჩაითვალოს, როგორც ოთხი ხანჯლის გადაკვეთა, რაც უარყოფს ქრისტიანულ სიმბოლოს. თუმცა ხანჯალი გამოკვლევის სიმბოლოა და სწორედ მას შეიცავს ამერიკის სადაზვერვო სამსახურის ვარსკვლავიც, რომლის ცენტრში განთავსებულია ვარდი, ხუთი ფურცლით, რაც როზენკრეიცერების სიმბოლოცაა. ნუთუ ეს დამთხვევაა?

საინტერესოა, გერბის აღწერა, რომელიც ხელმისაწვდომია ამერიკის დაზვერვის ოფიციალურ საიტზე. “რვაქიმიანი პოლარული ვარსკვლავიდან 6 დაბოლოება დეპარტამენტებს ეკუთვნის, ხოლო ორი დამოუკიდებელ სააგენტოებს. ისინი დაკავშირებულნი არიან გარშემო 15 ვარსკვლავით, რომლებიც სადაზვერვო სამსახურის სხვა უწყებებს წარმოადგენენ”.

პრობლემა ისაა, რომ ეს ვარსკვლავები არა 15 არამედ 16-ია. შეგიძლიათ თქვენ თვითონაც დაითვალოთ. მაშინ რა არის ეს საიდუმლო მეთექვსმეტე ორგანიზაცია, რომელიც ამერიკის დაზვერვის ნაწილია? შეგვიძლია მხოლოდ ვივარაუდოთ?

ახლა კი მოგაწვდით იმ ინფორმაციას, რომელიც ღიად ხელმისაწვდომია.

1990 წლის დასაწყისში, საბერძნეთის პოლიციამ საიენტოლოგების ათენის ოფისში ჩხრეკა ჩაატარა და ამოიღო სექტის მრავალი შიდა დოკუმენტი, რომელთაგანაც ზოგიერთი გასაჯაროვდა. დოკუმენტების ნაწილი შეიცავდა მითითებებს იმის შესახებ, რომ CIA დახმარებას უწევდა საიენტოლოგების საზღვარგარეთ არსებულ ოფისებს.

2001 წელს ჟურნალ «Le Monde Diplomatique»-ში გამოქვეყნებულ იქნა ცნობილი ჟურნალისტის ბრუნო ფუშერის სტატია სახელად “სექტები: შეერთებული შტატების ტროას ცხენი ევროპისთვის”, სადაც ის საკმაოდ გარკვევით წერდა ამერიკული სადაზვერვო და დიპლომატიური სამსახურების მიერ სექტების გამოყენების შესახებ. სტატიის სენსაციური ხასიათის მიუხედავად, მას სასამართლო გარჩევები არ მოყოლია.

ვერავინ ვერ შეძლებს უარყოს, რომ აშშ-ს სახელმწიფო დეპარტამენტი სექტების ინტერესების ლობირებას ახდენს სხვადასხვა ქვეყნებში: საფრანგეთში, გერმანიაში, იტალიაში, საბერძნეთში, რუსეთში, უნგრეთში და ასე შემდეგ. ვიკილიქს-ის მიერ გამოქვეყნებულ დოკუმენტებშიც კი, გაიჟღერა შეტყობინებამ იმის შესახებ, რომ სახელმწიფო მდივანის, მადლენ ოლბრაიტის სტუმრობის შემდეგ გერმანიაში, გერმანელი საიენტოლოგები მიიწვიეს აშშ-ს საელჩოში ბრიფინგზე.

რამდენადაც მე ვიცი, ვერცერთი სხვა სექტა ასეთი ყურადღებითა და პრივილეგიებით ვერ სარგებლობს აშშ-ს მხრიდან. ასევე მესმის, რომ ამ ცხოვრებაში უფასო არაფერია.

რა შეიძლება შესთავაზოს საიენტოლოგიამ აშშ-ს, რომ ის ასე აქტიურად ახდენს ამ პატარა, არც თუ ისე კარგი რეპუტაციის მქონე სექტის ინტერესების ლობირებას, რომლის საიდუმლო სწავლებაზეც მთელი მსოფლიო იცინის.

საიენტოლოგიის ერთ-ერთ უმთავრეს მიზნად გველვლინება უდიდესი ინფორმაციის თავმოყრა და შენახვა იმისთვის, რომ მისი მეშვეობით შესაძლებელი იქნას ნებისმიერის კონტროლი: დაწყებული სექტის უბრალო წევრიდან, მსოფლიოში უძლიერესებით დამთავრებული, რომელთა მართვაც განუსაზღვრელ შესაძლებლობებს იძლევა.

25 წლის წინ, ყოფილმა ლოს-ანჯელესის  FBI -ს ბიუროს ხელმძღვანელმა თქვა, რომ სეინტოლოგიას გააჩნია ყველაზე ეფექტური სადაზვერვო სამსახური, რომელსაც შეუძლია FBI -საც კი გაუწიოს წინააღმდეგობა. მას შემდეგ სექტის კაპიტალი საგრძნობლად გაიზარდა. მას ბევრად მეტი რესურსი აქვს რთული სპეც-ოპერაციების ჩასატარებლად.

ახლა ცოტაოდენი ისტორია. 1993 წელს ამერიკის საგადასახადო სააგენტო 25 წლიანი ბრძოლის შემდეგ, რომელსაც იგი საიენტოლიგიის წინააღმდეგ აწარმოებდა ფაქტობრივად დანებდა: ჩაატარეს საიდუმლო შეთანხმებები სექტის ხელმძღვანელ დევიდ მისკევიჯთან, მათ დადეს ხელშეკრულება, რომლის მიხედვითაც საიენტოლოგია და ყველა მასთან დაკავშირებული ორგანიზაცია ცნეს რელიგიად და შესაბამისად გაანთავისუფლეს ყველანაირი გასახადებისაგან. სწორედ ამ შეთანხმების შემდეგ სახელმწიფო დეპარტამენტმა საიენტოლოგიის ინტერესების ლობირება მთელი მსოფლიოს მასშტაბით დაიწყო. ამასთან, შეთანხმებას თან ერთვოდა პატარა პროტოკოლი, რომელიც ამ დრომდე არ არის ცნობილი. რას შეიძლება ის შეიცავდეს?

ვეჭვობ, რომ საიენტოლოგიამ (რომელიც, როგორც გავიგეთ ცდილობს შეაგროვოს ინფორმაცია ყველას შესახებ, ვინც მის თვალთახედვის არეში მოხვდება) დაიწყო ურთიერთობა (ან უბრალოდ სადაზვერვო საზოგადოებასთან ინფორმაციის გაყოფა) ამერიკის სადაზვერვო საზოგადოებასთან. შესაბამისად სახელმწიფო დეპარტამენტმაც, რა თქმა უნდა მოახდინა ამ ძვირფასი აგენტის ინტერესების ლობირება.

უკრაინის პრემიერ-მინისტრი არსენი იაცენუკი (რომელიც წლების წინ ბანკ “ავალ” ის დირექტორი იყო, შესაძლოა გაიარა სეინტოლოგიის რამოდენიმე კურსი) – მაგალითია ადამიანის, რომლის პირადი ინფორმაციაც შეიძლება საკმაოდ საინტერესო იყოს არა მარტო საინტოლოგიისთვის, არამედ შტატების სადაზვერვო საზოგადოებისათვის.

ვფიქრობ, იმ ხალხის ჩამონათვალი, რომლებიც მაღალ თანამდებობზე იმყოფებიან სხვადასხვა ქვეყნებში და ამავდროულად წარმოადგენენ შტატების დაზვერვის ინტერესს. შეიძლება საკმაოდ დიდხანს გაგრძელდეს. და თუკი საიენტოლოგია ფლობს ასეთ ინფორმაციას და მზადაა მის გასაზიარებლად, მაშინ რატომ არ ისარგებლებს დაზვერვა ამ შესაძლებლობით.

მაგრამ, რა სახით შეიძლება იღებდეს სექტა ამ მონაცემებს? საიენტოლოგების მიერ ინფორმაციის შეგროვება ხდება სხვადასხვა ხერხებით.

ოდიტინგი

მათ შორის პირველი ოდიტინგია, სექტის მიერ წარმოდგენილი გარკვეული სახის აღსარება. ამ “აღსარებისას” ადამიანი იმყოფება მსუბუქი ჰიპნოზის ქვეშ და სიცრუის დეტექტორთან არის დაკავშირებული. ასევე ხდება აუდიო-ვიდეო ჩანაწერის გაკეთება, რომელიც სამუდამოდ ინახება.

მათ ვინც ოდიტინგს ატარებს არ ევალებათ ამ “აღსარების” საიდუმლოდ შენახვა. პირიქით, ისინი აგროვებენ ყველაზე ფასდაუდებულ ინფორმაციას ადამიანის შესახებ, რათა შემდგომ იგი დამჯერე მონად აქციონ.

გავიხსენოთ, რომ მოსკოვის კანონდამცველების მიერ ჩატარებული ჩხრეკისას ტაგანკის “იდეალურ ორგანიზაციაში” საიენტოლოგიაში, ოდიტინგის ოთახში აღმოაჩინეს კედლებში ჩამონტაჟებული შპიონური აპარატურა, აუდიო და ვიდეო ჩანაწერების გასაკეთებლად. სტანდარტულად, სექტას მსგავსი აპარატურა უნდა ქონდეს ყველა ოდიტინგისთვის განკუთვნილ ოთახში.

მეორე ხერხი – ეს “მიზანმიმართული” ინფორმაციის შეგროვება ადამიანის შესახებ, რომელიც სექტას აინტერესებს. ამისათვის ქირაობენ სპეციალისტებს, რომელთაც ეხმარებიან სექტის სპეციალურად ინსტრუქტირებული წევრები. კომპრომატი ან აღმოჩნდება ან “გაჩნდება”. მათ რიგებში ვინც შეიძლება სექტას აინტერესებდეს შედიან ცნობილი პიროვნებები, შოუ-ბიზნესის მოღვაწენი, კანონდამცველები, ძალოვანები, პოლიტიკური მოღვაწენი და რა თქმა უნდა სექტის მტრები.

უნდა და საჭიროა ავღნიშნოთ, რომ ერთიც და მეორეც, ინფორმაციის შეგროვების მეთოდი, ამორალურია. სექტა მიღებულ მონაცემებს იყენებს მისი სამომავლო წინსვლისთვის და განვითარებისთვის. საინტერესოა, მოსდის თუ არა ამერიკის სპეცსამსახურის რომელიმე წევრს თავში, რომ სექტისგან ასეთი ინფორმაციის მიღება და შემდეგ მისი გამოყენება ღრმად ამორალურია?

თვითონ საიენტოლოგები თვლიან, რომ შესაძლებლობა ხალხის ასეთი სახით მართვისა, ემსახურება უმაღლეს მიზნებს, რომელიც აახლოვებს სექტის გამარჯვებას და შესაბამისად მშვიდობას მთელი მსოფლიოს მასშტაბით. თუმცა, თუკი ყველანაირად ამორალურ საიენტოლოგიას და მის მიერ მოწოდებულ ინფორმაციას შტატები მაინც აღიქვამს საჭიროდ, მაშინ უნდა ვაღიაროთ, რომ ის თვლის საჭიროდ ინფორმაციას, რომელიც მოპოვებულია საეჭვო ორგანიზაციის მიერ ტყუილით, აყვანებით, ქურდობით, წამებითა და კონფიდენციალური აღიარებებით.

საბოლოოდ, თუკი დავიჯერებთ, რომ საიენტოლოგიას არანაირი კავშირი არ აქვს ამერიკის არც ერთ სადაზვერვო საზოგადოების წევრთან, მას მაინც შეგვიძლია თავისუფლად და შეუცდომლად ვუწოდოთ უცხოური ორგანიზაცია, რომელიც მოქმედებს სხვა სახელმწიფოებში. და ეს უცხოური სადაზვერვო ორგანიზაცია გამუდმებით გადასცემს ღრმად კონფიდენციალურ ინფორმაციას შტატებში მყოფ სექტას. ესე იგი, ასეთ ორგანიზაციასთან საჭიროა შესაბამისად მოქცევა.

თუმცა, რა თქმა უნდა, ჩემი აზრით, ჩვენ შეგვიძლია თვითდაჯერებულობის დიდი დოზით ვთქვათ, რომ საიენტოლოგიას გააჩნია კავშირები შტატების სადაზვერვო საზოგადოებასთან. შესაძლოა აქ მოყვანილი არგუმენტები ირიბია, თუმცა აშკარა მტკიცებულებები, სწორედ ამაზე მეტყველებენ.

თითქმის ორი წლის წინ ამერიკის შეერთებილი შტატების პრეზიდენტმა ბარაკ ობამამ განაცხადა, რომ საყოველთაო რელიგიური თავისუფლება (წაიკითხეთ მისი ამერიკული ვერსია) გვევლინება აშშ-ს ნაციონალური უსაფრთხოების ერთ-ერთ მთავარ ფაქტორად. ჩემი აზრით ამ ცინიკური გულახდილობის კუთხით შესანიშნავმა განცხადებამ მხოლოდ აღიარა ის, რაც წლებია უკვე აშკარა ფაქტია. და მემგონი ჩვენ შეგვიძლია ვივარაუდოთ თუ რომელი ორგანიზაცია იმალება ამერიკის სადაზვერვო საზოგადოების გერბზე მყოფი უსახელო მე-16 ვარსკვლავის უკან.

ავტორი: ნანა ლურსმანაშვილი